தம்புளையில் சிக்கிய கஞ்சா வியாபாரிக்கு யாழ்ப்பாணத்தில் இருந்து கஞ்சா சப்ளை!!
யாழ்ப்பாணத்திலிருந்து கேரள கஞ்சாவை கடத்திச் சென்று மொத்த, சில்லறை வியாபாரத்தில் ஈடுபடும் முக்கிய போதைப் பொருள் முகவரை தம்புள்ளை சிறப்பு அதிரடிப்படையினர் கைது செய்துள்ளனர் என பொலிஸார் தெரிவித்தனர்.
யாழ்ப்பாணத்திலிருந்து கேரள கஞ்சாவை கடத்திச் சென்று மொத்த, சில்லறை வியாபாரத்தில் ஈடுபடும் முக்கிய போதைப் பொருள் முகவரை தம்புள்ளை சிறப்பு அதிரடிப்படையினர் கைது செய்துள்ளனர் என பொலிஸார் தெரிவித்தனர்.
“கலேவெல – ஏனமல்பொல பிரதேசத்தில் வைத்து நேற்று (21) சனிக்கிழமை சந்தேகநபர் கைது செய்யப்பட்டார். அவரிடமிருந்து 2 கிலோ கேரள கஞ்சா மீட்கப்பட்டது.
சந்தேகநபர் மோட்டார் சைக்கிளிலில் பயணித்த போது, சிறப்பு அதிரடிப் படையினரின் வீதிச் சோதனையில் சிக்கிக்கொண்டார். அவர் சில்லறைக்கு கஞ்சா விற்பனை செய்யும் கும்பல் ஒருவருக்கு விநியோகிக்க என 2 கிலோ கஞ்சாவை கொண்டு சென்றார் என விசாரணையில் தெரிய வந்தது.
சதார்டீன் செலாப்டீன் (வயது -57) என்பவரே கைது செய்யப்பட்டார்.
இந்தியாவிலிருந்து கடல் வழியாக யாழ்ப்பாணத்துக்கு தருவிக்கப்படும் கஞ்சாவை எடுத்து வந்து தம்புள்ள பகுதியில் மொத்த, சில்லறை விற்பனைக்கு சந்தேகநபர் விநியோகித்து வருபவர் என்பதும் விசாரணைகளில் தெரிய வந்துள்ளது.
