Trending News...

ரூ.1.5 கோடி மதிப்பிலான வைரத்திற்கு அதிபதியான கூலித் தொழிலாளி!!

மத்தியப் பிரதேச மாநிலத்தில் உள்ள பன்னா வைரச் சுரங்கத்தில் கூலித் தொழிலாளி ஒருவர், சுமார் ரூ.1.5 கோடி மதிப்பிலான வைரத்தை தோண்டி எடுத்துள்ளார்.

இந்தியாவின் புகழ்பெற்ற வைரச் சுரங்கமான பன்னா வைரச் சுரகத்தில், மோதிலால் பிரஜபதி என்ற கூலித்தொழிலாளி சுமார் ரூ.1.5 கோடி மதிப்பிலான வைரத்தை தோண்டி எடுத்துள்ளார். சுமார் 42.9 கேரட் எடை கொண்ட அந்த வைரம், இதுவரை அந்தச் சுரங்கத்திலிருந்து எடுக்கப்பட்ட வைரங்களிலேயே இரண்டாவது மிகப்பெரிய வைரமாக மதிப்பிடப்பட்டுள்ளது.

இதற்கு முன்பாக, 1961 ஆம் ஆண்டு கண்டெடுக்கப்பட்ட, சுமார் 44.55 கேரட் எடை கொண்ட வைரக்கலே, அந்தச் சுரங்கத்திலிருந்து எடுக்கப்பட்ட மிகப்பெரிய வைரக்கல்லாக இருந்து வருகிறது.

இது குறித்து கூறிய பன்னா வைர அதிகாரியான சந்தோஷ் சிங், மோதிலால் கண்டெடுத்த வைரக்கல்லின் விலை ரூ.1.5 கோடிக்கு மேல் இருக்கும் எனவும், அரசின் விதிகளின்படி அது ஏலத்தில் விடப்படும் எனவும் தெரிவித்துள்ளார்.