சர்கார் முழுக்கதையை வெளியிட்ட பாக்யராஜ்: படக்குழுவினர் ‘ஷாக்’!
துப்பாக்கி, கத்தி ஆகிய படங்களைத் தொடர்ந்து ஏ.ஆர்.முருகதாஸ் – விஜய் கூட்டணியில் உருவாகியுள்ள படம் ‘சர்கார்’ . சன் பிக்சர்ஸ் நிறுவனம் தயாரித்துள்ள இப்படத்திற்கு மெர்சல் படத்தைத் தொடர்ந்து ஏ.ஆர்.ரஹ்மான் இசையமைத்துள்ளார்.
பைரவா படத்தைத் தொடர்ந்து இப்படத்தில் விஜய்க்கு ஜோடியாக கீர்த்தி சுரேஷ் நடித்துள்ளார். மேலும், வரலட்சுமி சரத்குமார், யோகி பாபு, ராதாரவி, பழ.கருப்பையா ஆகியோர் பலர் நடித்துள்ளனர். சன் பிக்சர்ஸ் நிறுவனம் இப்படத்தை தயாரித்துள்ளது.
முருகதாஸ் இயக்கியுள்ள ‘சர்கார்’ படம் ’செங்கோல்’ படத்தின் கதையில் இருந்து எடுக்கப்பட்டுள்ளது என்று கூறி துணை இயக்குநர் வருண் ராஜேந்திரன் சென்னை உயர்நீதிமன்றத்தில் வழக்கு தொடர்ந்தார். இதையடுத்து வரும் 30ம் தேதிக்குள் முருகதாஸ் விளக்கமளிக்க வேண்டும் என உத்தரவிட்டது.
இந்நிலையில், பாக்யராஜ் இது தொடர்பாக பல்வேறு சமூகவலைத்தளங்களுக்குப் பேட்டியளித்துள்ளார். அதில் படத்தின் முழுக்கதையையும் சொல்லிவிட்டார். விஜய் எதற்காக வருவார், கதை எப்படி, க்ளைமாக்ஸ் என்ன? முற்றிலுமாக தெரிவித்திருக்கிறார். இதனால் படக்குழுவினர் அதிர்ச்சியடைந்துள்ளனர்.
