KTM 890 டியூக் ஆர் பைக் அறிமுகம்- முழு விபரம் உள்ளே..!

இத்தாலியில் நடைபெற்று வரும் ஐக்மா 2019 கண்காட்சியில் கேடிஎம் நிறுவனம் 890 டியூக் ஆர் மாடலை காட்சிப்படுத்தியுள்ளது. இது முற்றிலும் 790 டியூக் மாடலை தழுவி உருவாக்கப்பட்டுள்ளது.

உலகளவில் கேடிஎம் நிறுவனம் நடுத்தர எடைக்கொண்ட இருசக்கர வாகன விற்பனையில் புதிய அறிமுகமாக 890 டியூக் பைக்கை தயாரித்துள்ளது. டியூக் சிரீஸில் இந்த பைக் சக்திவாய்ந்த மாடலாக இருக்கும்.

தன்னுடைய இளைய சகோதரனை போலவே காட்சியளித்தாலும், 890 டியூக் ஆர் பைக்கின் பல்வேறு வடிவமைப்புகள் மாற்றப்பட்டுள்ளன. இதன்மூலம் 790 டியூக் மற்றும் 890 டியூக் ஆர் மாடல்களை வேறுபடுத்தி காண முடிகிறது.

அதன்படி இரண்டு பைக்குகளுக்கும் பொதுவாக ஆரஞ்சு மற்றும் வெள்ளை நிற வண்ணப்பூச்சு கலவை இடம்பெற்றுள்ளது. ஆனால் 890 டியூக் ஆர் மாடல், 790 டியூக்கை விட சற்று அதிகமாக கிரவுண்டு கிளையரன்ஸை பெற்றுள்ளது.

இருந்தாலும் இந்த பைக்கின் பல்வேறு கட்டமைப்புகள் கேடிஎம் 790 டியூக் மாடலை பின்பற்றியே வழங்கப்பட்டுள்ளது. அதில், பைக்கி வடிவமைப்பு, மின்னணு கட்டமைப்பு ஆகியவை அடங்கும்.

890 டியூக் பைக்கில் கார்னரிங் ஏபிஎஸ், டிராக்‌ஷன் கன்ட்ரோல், லாஞ்ச் கன்ட்ரோல், பல்வேறு ரைடிங் மோடுகளை கொண்ட வசதி, ஏபிஎஸ் வசதி உள்ளிட்டவை இடம்பெற்றுள்ளன.

அதுதவிர எல்.இ.டி முகப்பு விளக்குகள், டி.ஆர்.எல் எல்.இ.டி விளக்குகள், எல்.இ.டி பின்பக்க விளக்குகள், ப்ளூடூத் கனெக்ட்டிவிட்டி உடன் கூடிய டிஎஃப்டி டிஸ்பிளே போன்றவை கவனமீர்க்கின்றன.

கேடிஎம் 890 டியூக் ஆர் பைக்கில் 890 சிசி பேரலல் ட்வின் லிக்விடு கூல்டு எஞ்சின் உள்ளது. இது 120 பிஎச்பி பவர் மற்றும் 15 99 என்.எம் டார்க் திறனை வழங்கும். ஆனால் 790 டியூக் பைக் 15 பிஎச்பி பவர் மற்றும் 14 என்.எம் டார்க் திறனை வெளிப்படுத்தும்.

பைக்கின் இரண்டு பக்கங்களிலும் முழுமையாக அட்ஜெஸ்ட் செய்யும் வசதி கொண்ட டபுள்யூபி அபேஸ் சிஸ்டம்ஸ் சஸ்பென்ஷன் தேவையை பூர்த்தி செய்கின்றன. அதேபோல பைக்கின் முன்சக்கரத்தில் 320மிமீ டிஸ்க் பிரேக் மற்றும் பின்பக்கத்தில் சிங்கிள் 240 மிமீ டிஸ்க் பிரேக் உள்ளது.

இன்னும் இரண்டு வாரங்களில் இந்த பைக் உலகம் முழுவதும் விற்பனைக்கு வரவுள்ளது. எனினும், இந்த பைக் இந்தியாவில் தற்போது விற்பனைக்கு வராது என சொல்லப்படுகிறது. அண்மையில் தான் 790 டியூக் மாடல் விற்பனைக்கு வந்தது. அதனால் 890 டியூக் ஆர் மாடல் விற்பனைக்கு வராது என தகவல்கள் கூறுகின்றன.

இந்தியாவில் குறிப்பிட்ட எண்ணிக்கையில் விற்பனைக்கு வந்த கேடிஎம் 790 டியூக் மாடல், அறிமுகமான சிறிது நாட்களிலேயே விற்று தீரிந்தது. எனினும் பிஎஸ்6 விதிகளை பூர்த்தி செய்யும் விதத்தில் தயாரிக்கப்பட்டுள்ள புதிய 790 டியூக் பைக் விரைவில் விற்பனைக்கு வரும் என தெரிவிக்கப்பட்டுள்ளது.

இத்தாலியில் நடைபெற்று வரும் ஐக்மா 2019 கண்காட்சியில் கேடிஎம் நிறுவனம் 390 அட்வெஞ்சர் பைக்கை அறிமுகம் செய்ய திட்டமிட்டுள்ளது. இந்தியாவிலும் இந்த பைக் மீது மிகப்பெரிய எதிர்பார்ப்பு எழுந்துள்ளது. டிசம்பர் மாதத்தில் இந்த பைக் விற்பனைக்கு அறிமுகம் செய்யப்படலாம் என தகவல்கள் கூறுகின்றன.
close