Trending News...

ஆட்டோவில் ஏறிய மாணவி, புதருக்குள் சீரழித்த அவலம்..!

தெலங்கானா மாநிலம் ஹைதராபாத்தைச் சேர்ந்த மாணவி ஒருவர் காண்ட்லகோயாவில் அமைந்துள்ள பொறியியல் கல்லூரியில் மருந்தியல் இளங்கலை படித்து வருகிறார். இந்நிலையில் கல்லூரி முடிந்ததும் வீட்டுக்கு ஆட்டோவில் சென்று கொண்டிருந்தார். அப்போது ஜோடிமெட்லா பகுதி அருகே ஆட்டோவை நிறுத்திய ஆட்டோ ஓட்டுநர், மாணவியை மிரட்டி அங்கிருந்த புதர் பகுதிக்கு தூக்கிச் சென்று பலாத்காரம் செய்துள்ளார்.

பின்னர், மாணவியின் ஆடைகளை எடுத்துக்கொண்டு அங்கிருந்து தப்பியுள்ளார். இதனால் செய்வதறியாமல் கிடந்த மாணவி உதவிக்கோரி உள்ளூர் பெண்களிடம் மன்றாடியுள்ளார். அப்போது பெண்கள் சிலர் பாதிக்கப்பட்ட மாணவிக்கு ஆடைகளை கொடுத்துள்ளனர். அதனையடுத்து, கீசரா காவல் நிலையத்துக்கு சம்பவம் குறித்து தகவல் அளிக்கப்பட்டது.

அங்கு வந்த போலீசார், சம்பவம் நடந்த இடம் கட்கேசர் காவல் எல்லைக்குட்பட்டது எனக்கூறி வழக்கு பதிவு செய்ய மறுத்துள்ளனர். இதற்கிடையில், மாணவி மெடிபள்ளிக்கு அருகிலுள்ள ஒரு தனியார் மருத்துவமனையில் அனுமதிக்கப்பட்டார். சம்பவம் தொடர்பாக மாணவியின் பெற்றோருக்கு தெரிவிக்கப்பட்டது. இந்நிலையில், கல்லூரி மாணவிக்கு நடந்த கொடூர சம்பவம் பூதாகரமாக வெடிக்க தொடங்கவே, காவல் துறை உயர் அதிகாரிகளின் அறிவுறுத்தலுக்குப் பிறகு, கீசரா போலீசார் வழக்கை எடுத்துக் கொண்டதாக கூறப்படுகிறது.

தொடர்ந்து சம்பந்தப்பட்ட பிரிவுகளின் கீழ் வழக்குகள் பதிவு செய்துள்ள போலீசார் ஆட்டோ ஓட்டுனரை குறித்து அடையாளம் காண, அருகிலுள்ள சி.சி.டி.வி. காட்சிகளை ஆய்வு செய்து வருகின்றனர். மேலும், குற்றம் நடந்த இடத்திலிருந்து தடயங்களையும் சேகரித்து விசாரித்து வருகின்றனர்.

தெலங்கானாவில் பெண் மருத்துவர் கூட்டு பலாத்காரம் செய்யப்பட்ட வழக்கில் நாக்கு குற்றவாளிகளையும் போலீசார் என்கவுண்டர் செய்து சாகடித்த சம்பவம் நாடு முழுவதும் அதிர்வலைகளை ஏற்படுத்தியது. இந்த நிலையில், மேலும் பொறியியல் மாணவி கடத்தப்பட்டு பலாத்காரம் செய்யப்பட்டிருப்பது மாநிலத்தை அதிர்ச்சியில் ஆழ்த்தியுள்ளது.