Trending News...

நள்ளிரவில் வீட்டு கூரையை அகற்றி உள்ளே குதித்த வாலிபர்..! விபரீத சம்பவம்

சென்னை கொருக்குப்பேட்டையில் உள்ள அனந்தநாயகி நகரைச் சேர்ந்தவர் வெங்கட்டமா. இவரது மகள் அஜிதா. இவருக்கு வயது 26. ரஜிதாவும் அதே பகுதியைச் சேர்ந்த சதீஷ்குமார் என்பவரும் கடந்த 7 ஆண்டுகளாக காதலித்து வந்ததாக கூறப்படுகிறது. இந்நிலையில், வீட்டை விட்டு வெளியேறி இருவரும் கோவிலில் தாலி கட்டிக்கொண்டு ஒன்றாக குடித்தனம் நடத்தி வந்துள்ளனர். சில நாட்களுக்கு பிறகு இவர்களது காதலை ஏற்றுக்கொண்ட பெற்றோர் தரப்பு, முறைப்படி திருமணம் செய்துவைக்க ஏற்பாடு செய்துள்ளது.

இதற்கிடையில், மாநகராட்சியில் வேலை பார்த்து வந்த அஜிதாவின் தந்தை உயிரிழந்ததால் திருமண ஏற்பாடுகள் தள்ளி போனது. தந்தை இறந்து போனதால், ரஜிதாவுக்கு மாநகராட்சி அலுவலகத்தில் வேலை கிடைத்துள்ளது. இதனால் மகளுக்கு அரசு வேலை கிடைக்கவே, சொந்த வீடு வைத்திருக்கும் மாப்பிள்ளைக்கு மக்களை திருமணம் செய்து வைக்க அவரது தாய் வெங்கட்டமா முடிவு செய்தார்.

மேலும், ரஜிதாவுக்கு தன்னுடன் வேலை பார்த்து வந்த மாநகராட்சி ஊழியர் ஒருவருடன் பழக்கம் ஏற்பட்டுள்ளது. இந்நிலையில், இவர்களுக்கு திருமணம் செய்துவைக்க வெங்கட்டமா முடிவு செய்துள்ளார். இந்த விவகாரம் சதீஷ்குமாருக்கு தெரிய வரவே, என்னை ஏமாற்றி விடாதே என்று சதீஷ்குமார் அஜிதாவிடம் தினமும் கெஞ்சி வந்துள்ளார்.

அதனை பொருட்படுத்தாமல் சதீஷ்குமாரை கழட்டி விடுவதில் குறியாக இருந்துள்ளார் அஜிதா. இந்த நிலையில் சம்பவத்தன்று இரவு கையில் பெட்ரோல் கேனுடன் அஜிதாவின் வீட்டு கூரையை அகற்றி உள்ளே இறங்கிய சந்தீஷ்குமார், உறங்கிக்கொண்டிருந்த அஜிதாவின் மீது பெட்ரோலை ஊற்றி தீ வைத்துள்ளார். உடலில் தீ பற்றியதால் அலறி துடித்த அஜிதாவை பார்த்து வெங்கட்டமா தீயை அணைக்க முயற்சித்துள்ளார். அப்போது, அவர் மீதும் தீ பற்றியுள்ளது.

இந்நிலையில் வீடு முழுக்க தீ பரவியதில், சதீஷ்குமாரும் அதில் சிக்கியுள்ளார். சிறிது நேரத்தில் மூன்று பேரும் தீயில் கருகி பலியாகியுள்ளனர். இதையடுத்து அதிகாலை அஜிதாவின் வீட்டில் இருந்து புகை வெளிவருவதை கண்ட அக்கம் பக்கத்தினர், வீட்டை உடைத்து உள்ளே சென்று பார்த்துள்ளனர். அப்போது, வெங்கட்டமா, அஜிதா, சதீஷ்குமார் மூவரும் தீயில் கருகி சடலமாக கிடந்துள்ளனர்.

சம்பவம் அறிந்து வந்த கொருக்குப்பேட்டை போலீசார் சடலங்களை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்தனர். தொடர்ந்து, சதீஷ்குமார் மற்றும் அஜிதாவின் செல்போன் உரையாடல்கள், மெசேஜ்களை கொண்டு விசாரணை செய்து வருகின்றனர்.