காருக்குள் 'குடி'த்தனம், வைரலாகும் உற்சாக பெண்கள் வீடியோ..!


ஆந்திராவில் விடுமுறை நாளை கொண்டாடி மகிழ காரில் புறப்பட்ட பெண்கள் மது குடித்து அதனை வீடியோவாக எடுத்து சமூக வலைத்தளத்தில் வெளியிட்டதால் சர்ச்சையை ஏற்படுத்தியுள்ளது. பெண்கள் மது குடிக்கக்கூடாதென்று எந்த விதிமுறையும் இந்தியாவில் இல்லை என்பது அனைவரும் அறிந்ததே.

ஆனால், மதுவால் இளைஞர்களும், பல குடும்பங்களும் சீரழிந்து வரும் நிலையில் என்றாவது பூரண மதுவிலக்கு அமலுக்கு வரும் என்ற நம்பிக்கையில் பலர் உள்ளனர்.

இந்நிலையில் நாங்களும் சளைத்தவர்கள் இல்லை என்று சில பெண்கள் மதுவை நோக்கி செல்கின்றனர். அதன் உச்சகட்டமாக ஆந்திர மாநிலத்தில் விடுமுறையை கழிக்க காரில் சென்ற பெண்கள் குழு ஒன்று ஓரிடத்தில் காரை நிறுத்தி, அசைவத்துடன் மது குடிக்கிறது.

அப்போது காருக்கு வெளியே ஆண் ஒருவர் இருப்பதையும் பார்க்கமுடிகிறது. இந்த வீடியோ சமூக வலைத்தளங்களில் வைரலானதை அடுத்து, போக்குவரத்து விதிமுறைகளை மீறியதாக ஆந்திர போலீசார் விசாரணை செய்து வருகின்றனர்.