ரகசியங்களை போட்டு கொடுக்கும் உதடு... நீங்கள் எப்படி?



ஒருவருடைய உதட்டின் வடிவம் மற்றும் அளவை வைத்து அவர்களின் குணங்களை கூறிவிடலாம் உங்களுக்கு தெரியுமா?

இதய வடிவ உதடுகள்
ஒருவருக்கு இதய வடிவ உதடுகள் இருந்தால், அவர்கள் எப்போதும் புதிய ஆக்கப்பூர்வமான யோசனைகளை செயல்படுத்த விரும்புவார்கள். எதையும் மிகவும் வேகமாக யோசித்து செயல்பட்டு அனைவரையும் வசீகரிப்பார்கள். இந்த வகையினர் எதற்கும் அஞ்சாமல் செயல்படுவார்கள். மேலும் இவர்கள் மிகவும் ரொமான்டிக்காக இருப்பார்கள்.

பருத்த உதடுகள்
பருத்த உதடுகளைக் கொண்டவர்கள் மிகவும் தைரியமானவர்கள். இவர்கள் மற்றவர்களின் தேவைகளுக்கு முன்னுரிமை அளித்து கவனிப்பார்கள். தாராள மனம் படைத்தவர்கள் மற்றும் எளிதாக பல நல்ல நண்பர்களின் பழக்கத்தைப் பெறுவார்கள்.

பரந்த உதடுகள்
சிலருக்கு வாய் மிகவும் பெரிதாக இருப்பதால், அவர்களிக்கு பரந்த உதடாக இருக்கும். இத்தகையவர்கள் மிகவும் திறமை வாய்ந்தவர்கள். எதையும் பரிபூரணமாக செய்ய முயல்வார்கள். மேலும் இந்த வகையினர் மற்றவர்களுக்கு வளைந்து கொடுக்கும் தன்மையினராக இருப்பதால், இவர்களுக்கு மிகப்பெரிய நண்பர் கூட்டம் இருக்கும்.

மெல்லிய உதடுகள்
உதடுகள் சிலருக்கு மெல்லியதாக உதடு இருப்பதே தெரியாமல் இருக்கும். இத்தகையவர்கள் வெளிப்படையாக பேசமாட்டார்கள், தனிமையை அதிகமாக விரும்புவார்கள், வாழ்க்கையில் தனது இலக்குகளை அடைவதில் உறுதியாக இருப்பார்கள். மேலும் இவர்கள் எப்போதும் உஷாராக இருப்பார்கள்.

வட்டமான உதடுகள்
வட்டமான உதடுகளைக் கொண்டவர்கள் மிகவும் அழகான இதயத்தைப் படைத்தவர்கள் மற்றும் துணிச்சலானவர்கள். மேலும் இத்தகையவர்கள் மிகவும் தன்னம்பிக்கை கொண்டவர்கள். இவர்களுக்கு ரிஸ்க் எடுப்பதில் அதிக ஆர்வம் கொண்டதால், நேர்மறை எண்ணங்கள் அதிகமாக இருக்கும்.

பருத்த கீழ் உதடுகள்
கீழ் உதடு மட்டும் சிலருக்கு பருத்து இருக்கும். இத்தகையவர்கள் சிறந்த செயல்திறனாளராக இருப்பதால், இவர்கள் மிகவும் பிரபலமாக இருப்பார்கள். மேலும் இவர்கள் எந்த ஒரு இடத்திலும் அனைவரையும் கவரும் வண்ணம் இருக்க விரும்புவார்கள். இந்த வகையினர் நல்ல நகைச்சுவை குணம் படைத்த இனிமையானவர்களாக இருப்பார்கள்.

சமச்சீரான உதடுகள்
சமச்சீரான உதடுகள் என்பது உதடுகள் சரியான வடிவத்தில் அழகாக இருப்பதைக் குறிக்கும். இந்த மாதிரியான உதடுகளைக் கொண்டவர்களைக் காண்பது மிகவும் அரிது. ஆனால் இவர்கள் மற்றவர்களுடன் அவ்வளவு எளிதில் பழகமாட்டார்கள். இதனால் இவர்களுக்கு நண்பர்கள் கூட்டம் குறைவாக இருக்கும்.